Кирүү
Каттоо
Беш адам каза болду, вирус жугузган 94 адамдын абалы өтө оор
Коронавируска каршы күрөшүү штабынын 31-майдагы маалыматына караганда, акыркы бир суткада COVID-19 илдетинен беш бейтап көз жумду. Бишкек шаарында төрт жана Ысык-Көл облусунда бир адам.
Саламаттык сактоо жана социалдык өнүктүрүү министрлигинин жаңы эсебине ылайык, коронавирус пандемиясы башталган 2020-жылдын март айынан бери илдеттин курмандыктары жалпысынан 1 808 кишиге жетти.
Вирус акыркы бир суткада дагы 174 адамдан аныкталды. Расмий маалыматка ылайык, оору жуктургандардын жалпы саны 104 729 кишиге жетти. Андан 98 544 адам айыкты.
Ушул күндөрү 1 696 бейтап ооруканада жатат. Алардын ичинен 94 адамдын абалы өтө оор, 446 кишиники оор деп бааланууда.
