Бишкек троллейбус башкармалыгы калаадагы троллейбустардын ишин түнкү саат 23:00гө чейин узартты

Маршруттук таксилердин айдоочулары каттамга чыкпагандыгына байланыштуу Бишкек троллейбус башкармалыгы калаадагы троллейбустардын ишин түнкү саат 23:00гө чейин узартты.

Бишкек мэриясынын басма сөз кызматынан кабарлашкандай, троллейбустар жакынкы күндөрү таңкы саат 5:40тан түнкү саат 23:00гө чейин төмөнкү маршрут боюнча каттайт:

• № 2 — “Эт комбинаты” — Аламүдүн-1 кичи району;
• № 4 — “Эт комбинаты” — “Кожзавод”;
• № 5 — Тунгуч — Жал кичи району;
• № 6 – 8-кичи району — Батыш автобекети;
• № 7 — “Ош” базары — Тунгуч кичи району;
• № 8 — Чыгыш автобекети — Жер иштетүү институту;
• № 9 — Жер иштетүү институту — Аламүдүн-1 кичи району;
• № 10 — “Фрунзе” заводу — Асанбай кичи району;
• № 11 — Асанбай кичи району — Чыгыш автобекети;
• № 14 — Жал кичи району — Киркомстром;
• № 17 — “Кожзавод” — Асанбай кичи району.

Мэриянын билдирүүсүнө караганда, бүгүн 140 троллейбус жүргүнчүлөрдү ташыган.