Кирүү
Каттоо
Абылгазиевдин абалы оор, ал ооруканада
Улуттук коопсуздук мамлекеттик комитетинин (УКМК) тергөө абагында отурган мурдагы премьер-министр Мухаммедкалый Абылгазиев ооруканага түштү.
Учурда ал Бишкектеги "Бикард" жеке менчик бейтапканасында дарыланууда. Аталган медициналык мекемеден кабарлашкандай, Абылгазиев жүрөк -кан тамыр ооруларын дарылап жатат.
УКМК бул маалыматка комментарий бере элек.
Абылгазиев 26-январда кармалган. Ал коррупцияга жана мыйзамсыз баюуга шек саналып жатат. Майдын соңунда сот аны камактагы мөөнөтүн 26-июлга чейин узарткан.
Буга чейин жемкорлукка жана мыйзамсыз баюуга шек саналган Бажы кызматынын төрагасынын мурдагы орунбасары Райымбек Матраимов жана парламент депутаты Кубанычбек Жумалиев да "Бикард" ооруканасында дарыланып чыгышкан.
