Ошто 2,5 жаштагы кызды азгырып, алдап уурдаган адам кармалды

0

Ошто жаш наристени уурдоого шектелип, 38 жаштагы жаран кармалды. Ал 2 жарым жаштагы кызды артынан ээрчитип бараткан учуру тасма түшүп калган. Бул тууралуу Ош ШИИБинин малымат кызматы кабарлайт.

Кечээ, 2-июль күнү 15:30дар чамасында Ош шаарынын Манас-Ата кичи районунда 27-мектептин айланасында эки жарым жаштагы кыз жоголгондугу тууралуу маалымат таркаган. А Кыздын жакындары аны ээрчитип бараткан 35-40тар чамасындагы кишинин тасмасын жарыялашкан. Арадан 4,5 саат өтүп кыз табылганын, жакындары билдирген.

Бүгүн, 3-июль Ош ШИИБинин маалымат кызматы кызды уурдоого айыпталып 38 жаштагы тургун кармалгандыгын маалымдайт.
Маалыматка ылайык шектүү Ош облусунун Алай районунун 1983-жылы туулган жараны Ч.А экени такталып, убактылуу кармоочу жайына киргизилген.
Жаш наристе кызга тийиштүү экспертизалар дайындалып, иликтөө амалдары жүргүзүлүп жатат.
URL: https://archive.bulak.kg/kyr/show/15989