Кирүү
Каттоо
Бишкек шайлоо комиссиясынын төрагасы алмашты
Бишкек аймактык шайлоо комиссиясынын (АИК) төрагалыгына Айбек Стамов, катчылыгына Бахадыр Конуров шайланды. Борбордук шайлоо комиссиясынын (БШК) маалымдашынча, мындай чечим 2-июль күнү АИКтин жыйынында кабыл алынды.
Бишкек АИКтин мурунку төрагасы Кайрат Маматов БШКнын мүчөсү болуп шайланган.
Боршайкомдун жаңы курамы 30-июнда Жогорку Кеңеш тарабынан бекитилген. “Шайлоо жана референдум өткөрүү боюнча борбордук комиссиясы жөнүндө” Конституциялык мыйзамга ылайык БШКнын 12 мүчөсүнүн жарымын президент, калган алтоону Жогорку Кеңештеги фракциялар көрсөтөт.
Кайрат Маматов "Республика - Ата Журт" фракциясынан сунушталган.
