Кирүү
Каттоо
Жеңиш Молдокматовдун жубайы: "Эгер тарыхтан сабак албасаңар – тарых кайталанат!"
Эгер тарыхтан сабак албасаңар – тарых кайталанат!. Мындай пикирди камактагы саясатчы Жеңиш Молдокматовдун жубайы Канышай Жумалиева президент Садыр Жапаровго кайрылуу жасап жатып айтты.
--"Урматтуу кыргыз элим, бийлик өкүлдөрү, мен сиздерге кайрылуумдун себеби, 1-июлда Биринчи май райондук сотунда саясий негиз менен камакка алынган жолдошум Жеңиш Молдокматовдун баш коргоо чарасы каралып, дагы 2 айга, тактап 6-сентябрга чейин абакта кармоо мөөнөтү узартылды.
Биз жолдошумдун үй-бүлө, бир туугандары жана тарапташтары бул чыккан чечим менен макул эмеспиз. Себеби дегенде, өткөн жылы 5-6-октябрда болгон окуяларда азыр тергөөчүлөр токуп жаткандай жалгыз менин жолдошум Жеңиш Молдокматов гана катышпастан, шайлоонун жыйынтыгына нааразы 11 партиянын лидер, өкүлдөрү, тарапташтары жана карапайым жарандар жүргөн. Анан кайдан-жайдан эле баш аламандыкты уюштуруу, УКМКнын имаратын басып алууга жалгыз Жеңиш Молдокматов күнөөлү деп айыпташканы бизге таңкалаарлык, түшүнүксүз болуп турат", - дейт Жумалиева.
Урматтуу Садыр Нуркожоевич, убагында сиз, сиздин үй-бүлө, жакындарыңыз бүгүнкү күндө биз корүп жаткан күндөрдү жаңыдан баштан кечирип, соттон-сотко чуркап, акыйкаттыкты издеп, ата-энеси, балдары көз жашы кургабай, куса болуп жүрдү эле. Ошол күндөрдү тез эле унутуп калдыңыздарбы?! Тарыхтан сабак алган жоксуздарбы?! Эгер тарыхтан сабак албасаңар – тарых кайталанат!
