Кирүү
Каттоо
Рекорд! Кыргызстан жыл башынан бери 21,8 млрд. сом карызынан кутулду
Жыл башынан бери (январь-июль) Кыргызстан мамлекеттик карызды төлөөгө 21 миллиард 790,9 миллион сом сарптады. Бул туурасында Экономика жана финансы министрлиги билдирди.
Анын ичинен 11,2 миллиард сом тышкы карызды төлөөгө жумшалган.
Бул жылы Кыргызстан 37 миллиард 266 миллион сомунан кутулууну пландап жатат. Муну рекорддук сумма деп атаса болот. Бирок төлөө мөөнөтүн жылдыруунун эсебинен азайып калышы да мүмкүн.
Жыл сайын насыянын төлөмдөрү өсүп жатат. Мисалы, быйыл январь-июлда эле 21,8 миллиард сом сарпталса, 2017-жылы бир жылдык төлөм 20,6 миллиард сом болгон.
Учурда мамлекеттик карыздын көлөмү 4,9 миллиард доллардан ашат.
