Кирүү
Каттоо
Кулуңду айыл аймагында жаш өспүрүмдөрдүн коопсуздугу текшерилүүдө
Лейлек районунун Кулуңду айыл аймагында Кулуңду айылдык милиция бөлүмчөсүнүн жашы жете электер менен иштөө инспекциясынын кызматкерлери өздөрү тейлеген аймактагы жаш өспүрүмдөрдүн коопсуздугун камсыздоо максатында “Көчө баласы” атындагы иш-чара өткөрдү.
Иш-чаранын жүрүшүндө суу ташкындаган коопсуз жерлерге эскертүү тактайчаларын илип, район аймагында жайгашкан Алтын-Бешик жашы жете элек өспүрүмдөрдүн эс алуу жайына барышып, өспүрүмдөр менен баарлашты. Ошондой эле түн ичинде өз алдынча жүргөн 15 өспүрүмдөрдү аныктап, алардын ата-энелерине эскертүүлөр берилди. Мындан сырткары каттоодо турган 13 жаш өспүрүмдүн турак үйлөрүнө барып, кылмыштуулуктун алдын алуу боюнча түшүндүрүү иштери жүргүзүлдү.
2021-жылдын 7 ай аралыгында Кулуңду айыл аймагында жаш өспүрүмдөр тарабынан 3 кылмыш жасалган.
Баткен ОИИБнын Басма сөз кызматы
