Кирүү
Каттоо
Атаандашын жаакка чапкан Роналду голу боюнча рекорд койду. Видео
Чабуулчу Криштиану Роналду Португалия курамасынын сабында эки гол киргизип, улуттук команда үчүн дүйнөлүк рекорд жаратты.
Кечээ, шаршембиде, футболчу 2022-жылы Катарда өтө турган Дүйнө чемпионатынын тандоо этабында Португалия менен Ирландия беттешинин 89-мүнөтүндө карьерасындагы 110-голун киргизди. Кошумча берилген алтынчы мүнөтүндө дагы бир топ киргизип, экинчи рекорд койду.
Роналду бул көрсөткүч боюнча Ирандын экс-чабуулчусу Али Деаини артка калтырды. 2007-жылы карьерасын жыйынтыктаган ирандык оюнчу курама командасы үчүн 109 топ киргизген.
Аталган оюнда дагы бир окуя болду. Беттештин 15-мүнөтүндө чабуулчу 11 метрлик айып тобун тебүүгө даярданып жатканда, атаандаштын оюнчусу топту тээп жиберген. Буга ачууланган Роналду аны жаакка чаап ийген.
Бул үчүн эки оюнчу жаза алган жок.
