Анын билдирүүсүнө ылайык, кен байлыктын тазалоочу курулмалардын ар кайсы жерине таштандылар – химиялык түзүлүштөрдүн контейнерлери, цианиддер, май чүпүрөктөр, инженердик тетиктердин калдыктары (тралдар, экскаватор чакалары, тетиктер ж.б.) көмүлгөн.
«Кызматкерлердин айтымында, 25 унаа көмүлгөн жана аларды табыш керек. 2012-жылы мен мөңгүлөрдө пайда болгон кара тоолорду көрүп нес болгом. Буга чейин мөңгүлөргө 1 млрд тоннадан ашык таштандылар төгүлгөн. Мен мындай уятсыздыктан таң калгам, эми кайра нес болуп отурам. Эмне дешимди билбей турам!»,- деп жазган Кутманова.
Ошондой эле ал Центерраны коргоп жаткандарга дагы кандай факты керектигин айтып, «Канадада аларга ушундай кылууга уруксат берет беле?»,- деген суроону салган.
«Эми биздин укук коргоо органдары экологиялык мыйзам бузууларды аягына чейин чыгарып, күнөөлүүлөрдү жоопкерчиликке тартып, келтирилген зыяндын токтоосуз ордун толтуруш керек!», — деп жазып калтырган ал.
