Кирүү
Каттоо
Маматов: «Ээлеген кызматымды тапшырып, саясат жолун тандадым»
Кыргызстандын футбол союзунун президенти Канатбек Маматов кызматтан кетти. Мындай кадамга анын чоң саясатка аттанганы себеп болгон.
«Жогорку Кеңештин шайлоосуна катышам деп турам. Эки жолдун бирин тандоого туура келди. Ошондуктан мен ээлеген кызматымды тапшырып, саясат жолун тандадым», — дейт Маматов.
Маматов парламентке кайсы партия менен барарын ачык айткан жок.
Маматов 2016-2019-жылдары өлкөнүн Футбол федерациясынын вице-президенти болгон. 2019-жылдын 9-февралында ал Футбол уюмунун президенттигине шайланган.
Эске салсак, Маматов кесипкөй футболчу болгон. Ал «Алай» (Ош), «HAL Бангалор» (Индия), «ITI Бангалор» (Индия) жана ардагерлердин «Топ-Юнайтед», «Абдыш-Ата» клубдарында ойногон.
