Кирүү
Каттоо
Аэропортко бомба коюлду деген кабар чет өлкөдөн келген
“Манас” аэропортунда бомба бар деген билдирүү чет өлкөдөн келген. Бул тууралуу Улуттук коопсуздук мамлекеттик кызматынын басма сөз кызматты билдирди.
5-февралда саат 14:41де аэропорттун электрондук почтасына иматратта бомба коюлгандыгы тууралуу кат жөнөтүшкөн.
Аэропорттун жүргүнчүлөрү менен кызматкерлери коопсуз алкакка чыгарылышкан.
Ички иштер кызматкерлери жана УКМКнын адистери аба майданында издөө иштерин жүргүзүшүп, эч кандай жарылуучу зат табышкан эмес.
Аэропорт мурунку калыбында иштеп жатат.
Азыркы тапта укук коргоо органдары бомба бар деп жарыялаган адамды иликтөөдө.
