Кирүү
Каттоо
Орусияда кыргызстандык эки наристе өрттөн куткарылды
Орусияда кыргызстандык эки кичинекей кыз өрттөн жабыркады. Бул тууралуу орусиялык маалымат булактары жазышты.
Маалыматка таянсак, өрт Москвадагы курулуш жүрүп жаткан жерде болгон.
Күйүп жаткан вагондон жумушчулар эки кызды куткарып калышкан. 7 айлык кыздын манжалары жана бети күйсө, 3 жаштагы кыздын кулагы, таманы жана манжалары күйгөн. Кыздар ооруканага жеткирилди.
Өрт электр жабдыктарын туура эмес колдонуудан келип чыккан. Кыздардын ата-энеси 30 жана 22 жашындагы Кыргызстандын жарандары болушкан.
Учурда тергөө амалдары жүрүүдө.
