Кирүү
Каттоо
Мечиттен уурулук кылып жүргөн адам кармалды
Бишкек шаарынан уурулукка шектүү адам кармалды. Бул тууралуу Бишкек ШИИББнын басма сөз кызматы билдирди.
Ленин РИИБине арыз менен Бишкек шаарынын тургуну кайрылган. Анын айтымында, 3-январда мечиттин ичинен белгисиз адам 20 миң сомдук уюлдук телефонун уурдап кеткен.
Ленин РИИБнын кызматкерлери 20 жаштагы Б.у.А. аттуу адамды кармашкан. Кармалган адам 1 айга тергөө абагына киргизилди.
Ыкчам иликтөө иш-чараларынын алкагында кылмышка шектүү башка иштерге да катыштыгы бар экендиги далилденген. Ал ушул эле мечиттен күрмө жана 15 миң сомдук уюлдук телефон уурдап алган.
Учурда тергөө амалдары жүрүүдө.
