Бакиев: Кыргызстанга инвестиция тартабыз

Экс-президент Курманбек Бакиевдин үй-бүлөсү Кыргызстанга инвестиция тартууга кызыкдар. Бул боюнча «Майдан» гезитине берген маегинде экс-президент Курманбек Бакиевдин иниси Адыл Бакиев билдирди.

 Ал экс-президент Алмазбек Атамбаевдин ишин сынга алып, акыркы жылдарда өлкө коррупцияга батканын белгилейт.

«Максим ЖЭБди оңдоо боюнча 150 миллион долларга келишим түзгөн. Атамбаев 386 миллион долларга баалап, ордото жегени ачыкка чыкты. Азыр Атамбаев баардык күчтөрүн мобилизациялап, 2010-жылдагы окуяны кайталаганы аракет жасап жатат. Ал үчүн элдин тагдыры оюнчук болуп калган. », — дейт Адыл Бакиев.

Адыл Бакиевдин айтымында, Бакиевдердин үй-бүлөсү Кыргызстанга инвестиция тартууга кызыкдар.

«Мен азыр Польша, Кытай, Россия ири компаниялары менен Кыргызстанга инвестиция тартуу боюнча иш алып барып жатам. Жалпы жонунан 100 миллион доллар Кыргызстанга кирет. Биздин өнөктөштөргө азыркы бийликтин кепилдиги керек», - деди ал.